close
News

ການສະແດງສິລະປະ – ວັດທະນະທຳ ຂອງຄະນະຊາວໜຸ່ມລາວໂຄງການຊາວໜຸ່ມເດີນທະເລອາຊຽນ – ຍີ່ປຸ່ນ ຄັ້ງທີ 44 ປະຈຳປີ 2017

For 108jobs internet 1400px x 933px

ຂໍເຊີນຊວນທຸກທ່ານເຂົ້າຮ່ວມຮັບຊົມການສະແດງສິລະປະ – ວັດທະນະທຳ ຂອງຄະນະຊາວໜຸ່ມລາວໂຄງການຊາວໜຸ່ມເດີນທະເລອາຊຽນ – ຍີ່ປຸ່ນ ຄັ້ງທີ 44 ປະຈຳປີ 2017

ຈະຈັດຂຶ້ນໃນວັນທີ 7 ຕຸລາ 2017 ທີ່ ຫໍວັດທະນະທຳແຫ່ງຊາດ ເວລາ 17:00 ເປັນຕົ້ນໄປ ແລະ ບໍ່ເສຍຄ່າຜ່ານປະຕູ

ໃນງານດັ່ງກ່າວຈະມີການສະແດງລະຄອນເວທີພ້ອມກັບບົດຟ້ອນ, ນັກຮ້ອງທີ່ມີຊື່ສຽງ ໃນປະເທດລາວ, ການວາງສະແດງສິນຄ້າຫັດຖະກຳທີ່ເຮັດດ້ວຍມື, ຂອງທີ່ລະນຶກ ແລະ ກິດຈະກໍາຂອງແຈກຂອງລາງວັນຢ່າງຫຼວງຫຼາຍ. ພິເສດສຳລັບປີນີ້ ແມ່ນເປັນປີທີ່ຢູ່ໃນບັນຍາກາດການສະເຫຼີມສະຫຼອງວັນສ້າງຕັ້ງອາຊຽນຄົບຮອບ 50 ປີ ແລະ ເປັນປີທີ່ປະເທດລາວເຮົາໄດ້ເຂົ້າຮ່ວມໂຄງການດັ່ງກ່າວເປັນຄັ້ງທີ 20 ອີກດ້ວຍ.

ການສະແດງສິລະປະ – ວັດທະນະທຳດັ່ງກ່າວ ແມ່ນໄດ້ຈັດຂຶ້ນເປັນປະຈຳທຸກໆປີ ເພື່ອເປັນການນຳໄປເຜີຍແຜ່ສິລະປະ – ວັດທະນະທຳອັນໂດດເດັ່ນ, ທີ່ມີເອກະລັກຢ່າງຊົງກຽດຂອງປະເທດລາວເຮົາ ໂດຍຜ່ານການສະແດງຂອງບັນດາຊາວໜຸ່ມທີ່ຖືກຄັດເລືອກເຂົ້າຮ່ວມໂຄງການລວມທັງໝົດ 28 ສະຫາຍໃນທົ່ວປະເທດ ໃນນັ້ນມີ ຍິງ 14 ຄົນ ແລະ ຊາຍ 14 ຄົນ.

ພ້ອມນັ້ນກໍ່ເພື່ອເປັນການກະກຽມຄວາມພ້ອມໃຫ້ແກ່ຄະນະຊາວໜຸ່ມລາວທີ່ເປັນຕົວແທນໃນນາມທູດວັດທະນະທຳ ຈະໄດ້ນຳເອົາຄວາມຮູ້ຄວາມສາມາດໄປແລກປ່ຽນ ແລະເຜີຍແຜ່ໃນເວທີສາກົນກັບບັນດາຊາວໜຸ່ມໃນປະເທດອາຊຽນ ແລະ ຍີ່ປຸ່ນໃນໂຄງການ ຊາວໜຸ່ມເດີນທະເລອາຊຽນ – ຍີ່ປຸ່ນ ຄັ້ງທີ 44 ປະຈຳປີ 2017 ຫຼື The 44th Ship for southeast Asian and Japanese Youth Program

ສາມາດຕິດຕາມຄະນະພວກເຮົາໄດ້ທີ່ Facebook: Lao Participating Youth of the 44th SSEAYP 2017

DC

The author DC