close
News

ການແຂ່ງຂັນກິລາຄາຣາເຕໂດ້ ຊິງແຊ້ມທົ່ວປະເທດ 2017

25299063_1512855892167450_5259292361064899718_n

ວັນທີ 17 ທັນວາ 2017 ທີ່ສູນກິລາ ບູໂດ ລາວຍີ່ປຸ່ນ ໄດ້ຈັດກາານແຂ່ງຂັນກິລາຄາຣາເຕໂດ້ ອີງໃສ່ຄຳແນະນຳ ຈາກກົມກິລາ ລະດັບສູງ ກະຊວງສຶກສາທິການ ແລະກິລາ, ແລະ ແຜນພັດທະນາ ກິລາລາວ ແຕ່ນີ້ ເຖິງປີ 2020 ເພື່ອພັດທະນາ ບຸກຂະລາກອນ, ເຕັກນິກ ແລະ ລະບົບການບໍລິຫານຈັດການໃຫ້ທຽບທັນກັບ ສາກົນຈຶ່ງຈັດການແຂ່ງຂັນ ຄາຣາເຕໂດ້ ຊິງແຊ້ມທົ່ວປະເທດ 2017 ຊິງໄຊໃນ 24 ລາຍການ

ຈໍານວນຜູ້ແຂ່ງຂັນທັງໝົດ ຈຳນວນ 168 ຄົນ ເປັນຍິງ 52 ຄົນ ມາຈາກ 7 ພາກສ່ວນທົ່ວປະເທດຄື: ສະໂມສອນສີໂຄດຕະບອງ, ສະໂມສອນລາວໂຊໂຕກັງ, ສະໂມສອນລາວ ເຈເຄເອ, ສະໂມສອນຊາວໜຸ່ມລາວ, ສະໂມສອນ ຊິໂຕຮິວລາວ, ສະໂມສອນຄາຣາເຕໂດ້ ກະຊວງປ້ອງກັນປະເທດ, ສະໂມສອນ ຄາຣາເຕໂດ້ໂຮງຮຽນພອນສະຫວັນກິລາ ແລະ ກາຍະກຳ.

ການແຂ່ງຂັນລວມມີທັງໝົດ 27 ລາຍການ,​ ແບ່ງເປັນ (Individual Kata) 10 ລາຍການ ແລະ (Kumite) 17 ລາຍການ ຊິງໄຊ  27 ຫຼຽນເງິນ ແລະ 54 ຫຼຽນທອງ.

ໃນການແຂ່ງຂັນໃນຄັ້ງນີ້ ແມ່ນການຮ່ວມມືກັນລະຫວ່າງ ສະຫະພັນຄາຣາເຕໂດ້ແຫ່ງຊາດ, ສະຫະພັນຄາຣາເຕໂດ້ ນະຄອນຫຼວງວຽງຈັນ ພ້ອມທັງບັນດາສະໂມສອນຕ່າງໆທີ່ເຂົ້າຮ່ວມ ແລະ ໄດ້ສະໜັບສະໜູນ ອຸປະກອນຮັບໃຊ້ບາງສ່ວນ ແລະ ພ້ອມດ້ວຍ ນ້ອງນັກສຶກສາ ອາສາສະໝັກ, ແລະ ການຖ່າຍທອດສົດ live stream Facebook ຈາກ ສະຫະພັນກິລາລາວອີສະປອດ ໂດຍ ບໍລິສັດ ຈໍາປາ ອິນເຕີເນັດ ທີ່ຊ່ວຍອຳນວຍຄວາມສະດວກດ້ານ ອິນເຕີເນັດ     ພິເສດ    ແມ່ນ ທ່ານ ພົງສະຫວັດ ບຸບຜາ ປະທານທີ່ປຶກສາ ສະຫະພັນຄາຣາເຕໂດ້ ແຫ່ງຊາດ ທີ່ສະໜັບສະໜູນ ແລະ ຄະນະອາຈານ ຈາກປະເທດຍີ່ປຸ່ນຈຳນວນ 4 ທ່ານທີ່ເຂົ້າຮ່ວມ.

ຜົນການແຂ່ງຂັນ

ອັນດັບທີ 1 ແມ່ນ ສະໂມສອນ ຄາຣາເຕ້ໂດ ສີໂຄດຕະບອງ 12 ຫຼຽນຄໍາ 12 ຫຼຽນເງິນ 15 ຫຼຽນທອງ

ອັນດັບທີ 2 ແມ່ນ ສະໂມສອນ ຊາວໜຸ່ມລາວ ຄາຣາເຕ້ໂດ 4 ຫຼຽນຄໍາ 2 ຫຼຽນເງິນ 9 ຫຼຽນທອງ

ອັນດັບທີ 3 ແມ່ນ ສະໂມສອນ ລາວ ໂຊໂຕກັງ ຄາຣາເຕ້ໂດ 4 ຫຼຽນຄໍາ  6 ຫຼຽນທອງ

 

Cr. ຮູບ Vientianekarate

Nee

The author Nee