close
News

ງານຖະແຫລງຂ່າວ ” SCG MUANGTHONG UNITED ASAEN TOUR 2018 ” ຄັ້ງທີ 2

DSC_9066

ວັນທີ 16 ກໍລະກົດ, ນະຄອນຫຼວງວຽງຈັນ ເອັດສຊີຈີ ປະກາດຈັດການແຂ່ງຂັນເຕະບານນັດພິເສດ SCG MUANGTHONG UNITED ASEAN TOUR ຄັ້ງທີ 2 ໃຫ້ແຟນບານລາວໄດ້ຊົມ ແລະ ໃກ້ຊິດກັບທີມຊາດລາວ ເຊິ່ງຈະລົງແຂ່ງຂັນກັບທີມ ເອັດສຊີຈີ ເມືອງທອງ ຢູໄນເຕັດ ທີ່ນະຄອນຫຼວງວຽງຈັນ, ໃນວັນທີ 31 ສິງຫາ 2018 ທີ່ສະໜາມກິລາແຫ່ງຊາດຫຼັກ 16 ເວລາ 18:30.

     

ງານຄັ້ງນີ້ ຮ່ວມຖະແຫຼງຂ່າວໂດຍ ທ່ານ ຄໍາແພງ ວົງຂັນຕີ ຮອງປະທານສະຫະພັນບານເຕະແຫ່ງຊາດລາວ ແລະ ຍັງເປັນຫົວໜ້າທີມຊາດລາວ, ທ່ານ ນາງ ກັນຍາ ແກ້ວມະນີ, ທ່ານ ບັນຊາ ໄຊພຣົມກຳມະການຜູ້ຈັດການ ບໍລິສັດ ເອັດສຊີຈີ ເທຣດດິ້ງ ລາວຈຳກັດ, ຕົວແທນນັກກິລາ ຈາກທາງທີມຊາດລາວ ແລະ ທີມ ເອັດສຊີຈີ ເມືອງທອງ ຢູໄນເຕັດ ພ້ອມດ້ວມ ສື່ມວນຊົນຂອງທັງສອງປະເທດເຂົ້າຮ່ວມ.

ທ່ານ ບັນຊາ ໄຊພຣົມ, ກຳມະການຜູ້ຈັດການ ບໍລິສັດ ເອັດສຊີຈີ ເທຣດດິ້ງ ລາວຈຳກັດ ໃນທຸລະກິດຊີມັງ ແລະ ວັດສະດຸກໍ່ສ້າງ ເອັດສຊີຈີ ກ່າວວ່າ: “ເອັດສຊີຈີ ມີຄວາມມຸ່ງມັ່ນເປັນສ່ວນໜຶ່ງຂອງການພັດທະນາ ສປປ ລາວ ໃນຫຼາຍດ້ານ ລວມທັງ ເຍົາວະຊົນ ກິລາ ຈຶ່ງໄດ້ຈັດການແຂ່ງຂັນເຕະບານ SCG MUANGTHONG UNITED ASEAN TOUR 2018 ເຊິ່ງຈະເປັນປະໂຫຍດຕໍ່ການພັດທະນາສັກກະຍາພາບດ້ານກິລາເຕະບານຂອງທັງສອງຝ່າຍ ໂດຍຄັ້ງນີ້ ນັບເປັນຄັ້ງທີ 2 ທີ່ເອັດສຊີຈີ ນໍາທີມ ເອັດສຊີຈີ ເມືອງທອງ ຢູໄນເຕັດ ມາຍັງ ສປປ ລາວ ໂດຍຄັ້ງທີ່ຜ່ານມາໄດ້ຮັບກະແສຕອບຮັບຢ່າງເຫຼືອລົ້ນ ມີຜູ້ຊົມເຂົ້າກວ່າ 9000ຄົນ ແລະ ມີການຖ່າຍທອດສົດໄປທົ່ວ ສປປ ລາວ ປີນີ້ຈຶ່ງໄດ້ຍ້າຍສະຖານທີ່ຈັດໄປຍັງສະໜາມກິລາແຫ່ງຊາດຫຼັກ 16 ທີ່ສາມາດບັນຈຸຜູ້ຊົມໄດ້ຫຼາຍຂຶ້ນ ເປັນການເພີ່ມໂອກາດໃຫ້ຊາວລາວ ໄດ້ເຂົ້າຊົມ ແລະ ເຊຍທີມຊາດລາວ ຊຶ່ງເປັນຂວັນໃຈ ແລະ ຄວາມພາກພູມໃຈຂອງຊາດ.

“ນອກຈາກນີ້ ເອັດສຊີຈີ ຍັງຈັດ Football Clinic ໃຫ້ກັບນ້ອງໆ ເຍົາວະຊົນຈາກ ສປປ ລາວ ໄດ້ເຂົ້າຮ່ວມຝຶກຊ້ອມກັບນັກເຕະບານລະດັບຊຸບເປີ້ສະຕາ ແລະ ຜູ້ຝຶກສອນມືອາຊີບຈາກສະໂມສອນ ເອັດສຊີຈີ ເມືອງທອງ ຢູໄນເຕັດ ທີ່ ເອັດສຊີຈີ ເປັນຜູ້ສະໜັບສະໜູນຫຼັກ ລວມເຖິງຜູ້ຝຶກສອນຈາກທີມຊາດລາວອີກດ້ວຍ.
“ເອັດສຊີຈີ ໃຫ້ຄວາມສຳຄັນເປັນຢ່າງຍິ່ງກັບການດຳເນີນທຸລະກິດທີ່ຍືນຍົງ ໂດຍມຸ່ງຫວັງທີ່ຈະສ້າງຄຸນນະພາບສັງຄົມທີ່ດີຂື້ນໃນອາຊຽນ ຜ່ານກິດຈະກຳທີ່ມີປະໂຫຍດ ຊຸກຍູ້ການພັດທະນາສັກກະຍາພາບຂອງບຸກຄະລາກອນຂອງປະເທດໃນອາຊຽນຢ່າງຈິງຈັງແລະຕໍ່ເນື່ອງ ຜ່ານໂຄງການຕ່າງໆເຊັ່ນ ໂຄງການມອບທຶນການສຶກສາ “SCG Sharing the Dream” ເຊີ່ງເປັນໜື່ງໃນກິດຈະກຳເພື່ອສັງຄົມຂອງເອັດສຊີຈີ ທີ່ຈັດຕໍ່ເນື່ອງໃນ ສປປ ລາວ ມາເປັນປີທີ່ 6 ແລະກໍາລັງກຽມພ້ອມດໍາເນີນໂຄງການປີທີ່ 7 ໃນປີນີ້ ທ່ານ ບັນຊາກ່າວ.

ເພື່ອຄືນກຳໄລໃຫ້ກັບລູກຄ້າ ແລະ ຜູ້ທີ່ມັກກິລາບານເຕະ ເອັດສຊີຈີ ແຈກປີ້ເຂົ້າຊົມຟຣີ ພ້ອມກ່ຽມລົດຮັບສົ່ງຢູ່ຈຸດປະຕູໄຊ ແລະ ສະໜາມເຈົ້າອານຸວົງ ໄປທີ່ສະໜາມກິລາແຫ່ງຊາດ ຫຼັກ 16 ພຽງເຂົ້າຮ່ວມກັບກິດຈະກຳທີ່ Facebook ເພຈ SCG (www.facebook.com/SCGBrandLaos) ລຸ້ນຮັບປີ້ເຂົ້າຊົມ SCG MUANGTHONG UNITED ASEAN TOUR 2018 ໄດ້ຕັ້ງແຕ່ມື້ນີ້ເປັນຕົ້ນໄປ.

 

DC

The author DC