close
News

ຜະລິດຕະພັນ SHARP ມາເປີດໂຕຢ່າງເປັນທາງການແລ້ວ ທີ່ປະເທດລາວ

DSC_74390

SHARP IS COMING!

ໃນທີ່ສຸດ ຜະລິດຕະພັນ SHARP ຜະລິດຕະພັນ ຜູ້ນໍາດ້ານເຕັກໂນໂລຊີຈໍພາບ ຈາກປະເທດຍີ່ປຸ່ນ ເຊິ່ງມີປະຫວັດຄວາມເປັນມາຫຼາຍກວ່າ 100 ປີ ທີ່ຕອບສະໜອງ ໃຫ້ຊີວິດການເປັນຢູ່ຂອງຜູ້ຊົມໃຊ້ ມີຊີວິດຊີວາ ແລະ ຊ່ວຍໃຫ້ການເຮັດວຽກມີປະສິດຕິພາບທີ່ດີຂຶ້ນ ໄດ້ມາເປີດໂຕຢູ່ລາວໂດຍ ບໍລິສັດ ສະຫຍາມ ອິນເຕີເນຊັນແນວ, ໃນງານໃຫ້ກຽດເປັນປະທານໂດຍ ທ່ານ ໂລເບີດ ວູ ກໍາມະການຜູ້ຈັດການ ບໍລິສັດ ຊາຟໄທ, ທ່ານ ສະຫຍາມ ອໍານວຍການບໍລິສັດ ສະຫຍາມ ອິນເຕີເນຊັນແນວ, ທ່ານ ປ້ອງ ນະວັດ ກຸນລັດຕະນະລັດ ນັກສະແດງຊື່ດັ່ງຈາກປະເທດໄທ ພ້ອມດ້ວຍແຂກທີ່ຮັບເຊີນ ແລະ ສື່ມວນຊົນ.

            ທ່ານ ໂລເບີດ ວູ ກໍາມະການຜູ້ຈັດການ ບໍລິສັດ ຊາຟໄທ ກ່າວໃນພິທີວ່າ: ຊາຟ ແລະ ຄົນລາວ ມີ 2 ຢ່າງທີ່ຄ້າຍຄືກັນ ຄື: ຄວາມຈິງໃຈ ແລະ ຄວາມຄິດ ດັ່ງກັບສະໂລແກນຊາຟ ຄວາມຈິງໃຈ ແລະ ສ້າງສັນ, ຂ້າພະເຈົ້າຫວັງຢ່າງຍິ່ງວ່າ ຊາຟຈະນໍາຄວາມສຸກມາສູ່ຄອບຄົວພີ່ນ້ອງຊາວລາວທຸກຄອບຄົວ ໃນລາຄາທີ່ຈັບຕ້ອງໄດ້, ສະບາຍກະເປົາ ແລະ ໃນຂະນະທີ່ປະເທດລາວກໍາລັງພັດທະນາຢ່າງວ່ອງໄວ ຊາຟຂໍເປັນສ່ວນໜຶ່ງ ໃນການພັດທະນາເຕີບໂຕພ້ອມໆກັບຄົນລາວດ້ວຍກັນ. ຊາຟຂະຫຍາຍຕະຫຼາດມາສູ່ລາວ ແລະ ເປົ້າໝາຍຕໍ່ໄປແມ່ນ ກໍາປູເຈຍ ແລະ ມຽນມາ ຕາມລໍາດັບ.

ຊາຟ ຜະລິດຕະພັນຄຸນນະພາບມີສິນຄ້າຫຼາກຫຼາຍໃຫ້ທຸກທ່ານໄດ້ເລືອກໃຊ້ເຊັ່ນ: ຈໍໂທລະພາບ, ເຄື່ອງໃຊ້ໄຟຟ້າໃນຄົວເຮືອນ ແລະ ເຄື່ອງໃຊ້ໃນຫ້ອງການ. ສໍາລັບ ລູກຄ້າທ່ານໃດທີ່ສົນໃຈຜະລິດຕະພັນແມ່ນສາມາດເຂົ້າໄປເລືອກຊື້ສິນຄ້າໄດ້ທີ່ IT City Shop (ຕຶກໄອໂມບາຍສາຍລົມ), ສາມາດຕິດຕາມໂຄສະນາ ແລະ ກິດຈະກໍາໂປຣໂມຊັນອີກຫຼາກຫຼາຍໃນໄວໆນີ້.

 

Nee

The author Nee