close
Cover Story

ຮູບເງົາ ສາຍນໍ້າໄຫຼ the river flows

SAYNAMLAY_POSTER-COMP-2-FLAT

ເພື່ອສະເຫຼີມສະຫຼອງສາຍພົວພັນທາງການທູດ ລາວ-ຍີ່ປຸ່ນ ຄົບຮອບ 60 ປີ ອົງການເຈແປນ-ລາວ ຄຣີເອທີບ ພາດເນີ (Japan-Laos creative Partners) ຈາກປະເທດຍີ່ປຸ່ນ ແລະ ບໍລິສັດລາວນິວເວັບຊີເນມາ ຈາກປະເທດລາວ ໄດ້ຮ່ວມກັນຖ່າຍທໍາຮູບເງົາເລື່ອງ “ສາຍນໍ້າໄຫຼ” ດ້ວຍການສະໜັບສະໜູນຈາກສະຖານທູດຍີ່ປຸ່ນ ສູນອາຊີ ມູນນິທິຍີ່ປຸ່ນປະຈໍາ ສປປ ລາວ ແລະ ລັດຖະບານລາວ ເຊິ່ງຮູບເງົາດັ່ງກ່າວແມ່ນມີເປົ້າໝາຍເພື່ອແລກປ່ຽນວັດທະນະທໍາລະຫວ່າງລາວ ແລະ ຍີ່ປຸ່ນ ທັງເປັນການສ່ອງແສງໃຫ້ເຫັນເຖິງຄວາມສໍາພັນ ແລະ ຄວາມເຂົ້າອົກເຂົ້າໃຈຂອງປະຊາຊົນລາວ ແລະ ຍີ່ປຸ່ນ ທີ່ມີມາຍາວນານ.

ໂຄງການດັ່ງກ່າວນີ້ ເລີ່ມຕົ້ນຖ່າຍທໍາໃນເດືອນພຶດສະພາ 2014 ແລະ ໃຊ້ເວລາໜຶ່ງປີເຄິ່ງກໍໄດ້ສໍາເລັດ ແຕ່ຍັງບໍ່ທັນສົມບູບແບບ ມາຮອດເດືອນກຸມພາ 2016 ຜົນງານຂອງການຮ່ວມມືຈິ່ງໄດ້ສໍາເລັດ ແລະ ພ້ອມແລ້ວທີ່ຈະອອກສູ່ສາຍຕາສັງຄົມທັງຢູ່ປະເທດລາວ ແລະ ປະເທດຍີ່ປຸ່ນ.
ຮູບເງົາເລື່ອງ ສາຍນໍ້າໄຫຼ ແມ່ນກໍາກັບການສະແດງໂດຍຄົນຍີ່ປຸ່ນ ເຊິ່ງແມ່ນທ່ານ ມາໂກໂຕະ ກູມາຊາວາ ຮູບເງົາປະກອບມີນັກສະແດງ ໂຕລະຄອນເອກຂອງເລື່ອງທີ່ສະແດງໂດຍ:
ນາງ ທິດາ ສິດທິໄຊ ຮອງອັນດັບທີ 2 ນາງສາວລາວ ປະຈໍາປີ 2012


ທ້າວ ຢູຕະ ອິໂນເອະ (Yuta INOUE) ນາຍແບບນັກສະແດງຄົນຍີ່ປຸ່ນ


ຮູບເງົາເລື່ອງ ສາຍນ້ຳໄຫຼ ແມ່ນເລື່ອງລາວກ່ຽວກັບ ນ້ອຍ ຍິງສາວໄວລຸ້ນ ຜູ້ຫນີອອກຈາກບ້ານມາຢູ່ໃນເມືອງໃຫຍ່ ເພື່ອຫວັງໃນອະນາຄົດທີ່ດີກວ່າ ໂດຍໄດ້ຖິ້ມຮອຍບາດແຜ ການຜິດຖຽງກັນ ກັບຄອບຄົວໂຕເອງກ່ອນຫນີຈາກມາ.


ມາຮອດມື້ຫນຶ່ງ ເວລາທີ່ນ້ອຍໄດ້ອອກໄປທ່ອງທ່ຽວກັບຫມູ່ຄູ່ ນ້ອຍພັດຫຼົງ ການເວລາ ຍ້ອນອາດີດໄປສູ່ຍຸກສະໄຫມປີ 1960 ທີ່ແຫ່ງນີ້ ນ້ອຍໄດ້ພົບພໍ້ກັບ ຄະວາຍ ຊາຍຫນຸ່ມຍີ່ປຸ່ນ ຜູ້ເຂົ້າມາສຳຫຼວດບຸກເບິກ ເພື່ອກໍ່ສ້າງ ເຂື່ອນແຫ່ງທຳອິດໃນປະເທດລາວ ບໍລິເວນແມ່ນ້ຳງື່ມ ແຕ່ຍ້ອນສົງຄາມໃນອາດີດ ແລະ ອຸປະຕິເຫດທາງເຮືອ ເຮັດໃຫ້ ຄະວາຍ ໄດ້ມາພົບພໍ້ກັບນ້ອຍ ແລ້ວທັງສອງ ກໍ່ໄດ້ຮັບການຊ່ອຍເຫຼືອ ແລະ ຮັບຕ້ອນໂດຍຄອບຄົວຂອງດິນ ເດັກນ້ອຍຊາຍ, ຄູນ, ແສງ, ພໍ່ ແລະ ແມ່ຂອງດິນ.


ທັງຫ້າຄົນ ຕ້ອງໃຊ້ຊີວິດຮ່ວມກັນ ນ້ອຍ ແລະ ທັງຫ້າຄົນ ຕ້ອງໃຊ້ຊີວິດຮ່ວມກັນ ນ້ອຍ ແລະ ຄະວາຍ ຕ່າງກໍ່ໄດ້ຮຽນຮູ້ເຖິງຄວາມສຳຄັນຂອງຄອບຄົວ ແລະ ສ້າງສາຍສຳພັນອັນດີຕໍ່ກັນ ລະຫວ່າງທີ່ ນ້ອຍ ລໍຖ້າມື້ທີ່ຈະໄດ້ກັບມາສູ່ຍຸກປະຈຸບັນ ໂຊກຮ້າຍທີ່ຜູ້ຄົນໃນຫມູ່ບ້ານແຫ່ງຍຸກສະໄຫມນັ້ນ ຍັງບໍ່ເຂົ້າໃຈ ແລະ ຍ້ານກົວຕໍ່ສິ່ງທີ່ຄະວາຍກຳລັງຈະເຮັດ ຈຶ່ງພາກັນລວມໂຕຂັບໄລ່ຄະວາຍອອກຈາກຫມູ່ບ້ານ. ຄະວາຍ ຕ້ອງພິສູດໃຫ້ຊາວບ້ານຮັບຮູ້ໃຫ້ໄດ້ວ່າ ການມາດຳເນີນການສ້າງເຂື່ອນໃນລາວ ແມ່ນຈະມີຜົນດີ ຕໍ່ປະເທດລາວໂດຍລວມຫຼາຍປານໃດ.


ນ້ອຍ ແລະ ຄະວາຍ ຈະເອົາຊະນະອຸປະສັກຈາກທັງສົງຄາມ ແລະ ຄວາມເຂົ້າໃຈຜິດຂອງຄົນໃນຫມູ່ບ້ານ ໄດ້ຫຼືບໍ່? ນ້ອຍຈະສາມາດກັບມາແກ້ໄຂ ສິ່ງທີ່ໂຕເອງໄດ້ເຮັດໄວ້ກັບຄອບຄົວໄດ້ຫຼືບໍ່? ແລະ ຄວາມສຳພັນຂອງນ້ອຍ ແລະ ຄະວາຍ ຈະຈົບລົງແບບໃດ? ຕິດຕາມໄດ້ໃນຮູບເງົາເລື່ອງ ສາຍນ້ຳໄຫຼ


ເລື່ອງລາວປະຫວັດສາດຂອງລາວ ແລະ ຍີ່ປຸ່ນວິທີຊີວິດການເປັນຢູ່ຂອງປະຊາຊົນໃນປີ 1960 ແລະ ຢັບຢັ້ງການໃຊ້ຄວາມຮຸນແຮງ

ຮູບເງົາເລື່ອງ ສາຍນໍ້າໄຫຼຈະເຂົ້າສາຍ
ວັນທີ 30 ພະຈິກນີ້ ທີ່
Vientiane Center
ITECC Mall Cinema
Major Cineplex Pakse.

Nee

The author Nee