close
News

ເປີດໂຕຢ່າງເປັນທາງການ ບໍລິສັດ ເອບັອກ ທອຍສ໌ (ລາວ) ຈໍາກັດ EPOCH TOYS (LAO) CO., LTD

DSC_8874

          ເອບັອກ ທອຍສ໌ (ລາວ) ຈັດພິທີເປີດໂຕຢ່າງເປັນທາງການ ວັນທີ 27 ມິຖຸນາ ທີ່ຜ່ານມາ ໂດຍການເປັນປະທານຂອງ ທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ທະເຄຊິ ຮິກິຮາຣະ ເອກອັກຄະລັດຖະທູດຍີ່ປຸ່ນ ປະຈໍາລາວ, ທ່ານ ມາຍດະ ມິຈິຮິໂຣະ ປະທານກຸ່ມບໍລິສັດ ເອບັອກ, ທ່ານນາງ ສຸພັນ ແກ້ວຄຳເພັດ ປະທານສະພາບໍລິຫານນິຄົມອຸດສາຫະກຳວຽງຈັນ-ໂນທອງ (ວິຕ້າພາກ) ແລະ ແຂກທີ່ມີກຽດຈາກຫຼາຍພາກສ່ວນເຂົ້າຮ່ວມງານຄັ້ງນີ້.

 ທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ

ທ່ານ ທະເຄຊິ ຮິກິຮາຣະ ເອກອັກຄະລັດຖະທູດຍີ່ປຸ່ນ ປະຈໍາລາວ 

ທ່ານ ມາຍດະ ມິຈິຮິໂຣະ ປະທານກຸ່ມບໍລິສັດ ເອບັອກ

ທ່ານນາງ ສຸພັນ ແກ້ວຄຳເພັດ ປະທານສະພາບໍລິຫານນິຄົມອຸດສາຫະກຳວຽງຈັນ-ໂນທອງ (ວິຕ້າພາກ)

 

          EPOCH COMPANY, LTD ບໍລິສັດຜະລິດເຄື່ອງຫຼີ້ນ ເລີ່ມກໍຕັ້ງເລີ່ມຕັ້ງແຕ່ປີ 1958 ແລະ ເລິ່ມການຜະລິດ Sylvanian Family ມາແຕ່ປີ 1985, ເຊິ່ງເປັນເຄື່ອງຫຼີ້ນທີ່ຖືກຍອມຮັບຈາກເດັກນ້ອຍຜູ້ຍິງ ຫຼາຍກວ່າ 60 ປະເທດທົ່ວໂລກ, ຫ້ອງການໃຫຍ່ຢູ່ທີ່ຍີ່ປຸ່ນ, ປະທານບໍລິສັດແມ່ນ ທ່ານ ມາຍດະ ມິຈິຮິໂຣະ.

ທ່ານ ໄຊຊະນະ ຜູ້ບໍລິຫານໂຮງງານ ເອບັອກ ທອຍສ໌ (ລາວ)

            ເອບັອກ ທອຍສ໌ (ລາວ) ຈະກາຍເປັນຖານຫຼັກ ເພື່ອຜະລິດເຄື່ອງຫຼີ້ນທີ່ມີຊື່ວ່າ: ຊິລວະນຽນ ຟາມມິລີ້ (Sylvanian Families) ເຄື່ອງຫຼີ້ນ ທີ່ຖືກສ້າງຂຶ້ນເພື່ອຈໍາລອງໂລກທີ່ເຕັມໄປດ້ວຍທໍາມະຊາດ, ເຊິ່ງມີສັດຫຼາກຫຼາຍຄອບຄົວ ທີ່ເຕັມໄດ້ດ້ວຍຄວາມຮັກ.

ບໍລິສັດມີແຜນຈະເລີ່ມດໍາເນີນການຜະລິດ ຕັ້ງແຕ່ເດືອນ ສິງຫາເປັນຕົ້ນໄປ, ດ້ວຍການບໍລິຫານຂອງຄົນລາວເອງ ເຊິ່ງຈະນໍາເອົາເຕັກນິກຈາກຍີ່ປຸ່ນ, ຈີນ, ລາວ ມາລວມກັນ. ສະຖານທີ່ ເຂດເສດຖະກິດນິຄົມອຸດສາຫະກຳວຽງຈັນ-ໂນທອງ (ວິຕ້າພາກ).

 

DC

The author DC