close
News

ໂອກາດມາຮອດແລ້ວ!!! ງານ Lao ICT AWARD 2018

DSC_7697

ໂອກາດສະແດງສັກກະຍາພາບ ແລະ ຄວາມສາມາດດ້ານໄອຊີທິ ມາຮອດແລ້ວ, ປີນີ້ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ຮ່ວມກັບ ສະມາຄົມການຄ້າໄອຊີທິລາວ ຈັດການແຂ່ງຂັນຄັ້ງນີ້ຂຶ້ນ.

ງານຖະແຫຼງຂ່າວຄັ້ງນີ້ ຈັດຂຶ້ນ ວັນທີ 12 ມີນາ ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ໂດຍການເປັນປະທານຂອງ ທ່ານ ປອ ທະວີສັກ ມະໂນທັມ ຫົວໜ້າກົມເຕັກໂນໂລຊີການສື່ສານຂໍ້ມູນຂ່າວສານ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ, ທ່ານ ທະນູສອນ ພົນອາມາດ ຮອງປະທານສະມາຄົມການຄ້າໄອຊີທີລາວ, ບັນດາແຂກທີ່ຖືກຮັບເຊີນຈາກກະຊວງ, ອົງການທຽບເທົ່າກະຊວງ, ທະນາຄານ, ຫົວໜ່ວຍທຸລະກິດ ແລະ ສະຖາບັນການສຶກສາເຂົ້າຮ່ວມ.

ການແຂ່ງຂັນຄັ້ງນີ້ ແບ່ງປະເພດຜະລິດຕະພັນ ເຂົ້າຊິງລາງວັນເປັນ 6 ໜວດຄື:

  1. ກ່ຽວກັບພາກລັດ (The Public Sector)
  2. ກ່ຽວກັບພາກເອກະຊົນ (The Private Sector)
  3. ເພື່ອສັງຄົມ (Corporate Social Responsibility)
  4. ເນື້ອໃນດີຈີຕອນ (Digital Content)
  5. ບໍລິສັດສ້າງຕັ້ງໃໝ່ ດ້ານໄອທີ (Start-Up Company)
  6. ຄົ້ນຄວ້າ ແລະ ການພັດທະນາ ດ້ານໄອທີ (Research and Development)

ເລີ່ມເປີດຮັບສະໝັກຕັ້ງແຕ່ 15 ມີນາ – 31 ພືດສະພານີ້ ລາຍລະອຽດສາມາດເຂົ້າເບິ່ງໄດ້ທີ່:

www.laoictaward.gov.la ຫຼື facebook.com/laoictaward

ຜູ້ຊະນະເລີດຈະໄດ້ຮັບລາງວັນຫຼາຍກວ່າ 8 ລ້ານກີບ, ລວມມູນຄ່າລາງວັນທັງໝົດຫຼາຍກວ່າ 30 ລ້ານກີບ. ສໍາລັບ ຜູ້ຊະນະຈະໄດ້ເປັນຕົວແທນຂອງ ສປປ ລາວ ໄປແຂ່ງຂັນໃນລະດັບ ASEAN ICT Award 2018 ທີ່ປະເທດອິນໂດເນເຊຍ.

ຢ່າຊ້າທີ່ ໂອກາດໃນການພັດທະນາສີມືດ້ານໄອຊີທີມາຮອດແລ້ວ ຮີບເຂົ້າມາລົງທະບຽນໄດ້ແລ້ວ ຫຼາຍລາງວັນລໍຖ້າຢູ່.

 

Nee

The author Nee