close
Cover Story

3 Merchants ສະຖານທີ່ແຫ່ງໃຫມ່ທີ່ເນັ້ນຄວາມເປັນເອກະລັກ ໂດຍສະເພາະຂອງອາຫານຈາກພາກພື້ນອິນດູຈີນ

IMG_7413

ໂຮງແຮມ Cowne Plaza Vientiane ເປັນໂຮງແຮມລະດັບ 5 ດາວ ເລີ່ມເປີດບໍລິການ ຕັ້ງແຕ່ເດືອນ ມັງກອນ ປີ 2017, ຕັ້ງຢູ່ໃຈກາງນະຄອນຫຼວງວຽງຈັນ ໃຫ້ບໍລິການກັບບັນດາແຂກທີ່ເປັນນັກທຸລະກິດແບບເປັນອົງກອນ ແລະ ບັນດານັກທ່ອງທ່ຽວທີ່ເຂົ້າມາພັກຜ່ອນຢ້ຽມຢາມປະເທດລາວ. ໂຮງແຮມມີຫ້ອງພັກຫຼາກຫຼາຍປະເພດ ຈໍານວນ 198 ຫ້ອງໄວ້ຮອງຮັບແຂກທີ່ເຂົ້າມາໃຊ້ບໍລິການ, ທາງໂຮງແຮມຍັງມີຫ້ອງຈັດສະແດງ ແລະ ຫ້ອງປະຊຸມທີ່ມີສິ່ງອໍານວຍຄວາມສະດວກຕ່າງໆ ທີ່ໄດ້ຮັບການອອກແບບພິເສດ ມີຄວາມເປັນເອກະລັກແຕກຕ່າງຈາກໂຮງແຮມອື່ນ, ມີທີມງານຈັດກອງປະຊຸມ ແລະ ງານຕ່າງໆ ທີ່ມີຄວາມເປັນມືອາຊີບ ເຊິ່ງໃຫ້ຄວາມສໍາຄັນ ແລະ ມີຄວາມພ້ອມທີ່ຈະຮ່ວມງານກັບບັນດາຜູ້ຈັດງານ.

ໂຮງແຮມຮັບປະກັນລະບົບການເຊື່ອມຕໍ່ອິນເຕີເນັດແບບໄຮ້ສາຍ ບໍ່ວ່າທ່ານຈະຢູ່ຈຸດໃດຂອງໂຮງແຮມ, ມີສະລອຍນໍ້າກາງແຈ້ງ, ມີສູນອອກກໍາລັງກາຍທີ່ເປີດບໍລິການຕະຫຼອດ 24 ຊົ່ວໂມງ ຫຼື ຜ່ອນຄາຍກັບການສະປາແບບພິເສດ ໃນຫ້ອງທີ່ມີຄວາມເປັນສ່ວນໂຕ. ນອກຈາກນີ້ໂຮງແຮມ ຍັງມີຮ້ານອາຫານທີ່ເປີດໃຫ້ບໍລິການຕະຫຼອດ.

Crowne Plaza Vientiane ເປີດ ຮ້ານອາຫານໃໝ່ !!!

ຫຼັງຈາກເປີດບໍລິການມາ 1 ປີກວ່າ ທາງ Crowne Plaza Vientiane ເຫັນວ່າປັດຈຸບັນບ້ານເຮົາ ອາຫານອິນດູຈີນລະດັບ 5 ດາວ ແມ່ນຍັງບໍ່ມີ ເພື່ອຕອບໂຈດ ແລະ ເຫັນເຖິງຄວາມສໍາຄັນຂອງລູກຄ້າທີ່ມັກອາຫານອິນດູຈີນ ທາງໂຮງແຮມຈຶ່ງຕັດສິນໃຈເປີດຮ້ານອາຫານໃໝ່ “3 Merchants” ໂດຍການລວມເອົາ ອາຫານອິນດູຈີນ ໄທ, ຫວຽດນາມ, ລາວ, ມາເລເຊຍ ແລະ ກໍາປູເຈຍ ມາຢູ່ໃນຮ້ານດຽວກັນ ທີ່ຊັ້ນ G ໂຮງແຮມ Crowne Plaza Vientiane.

ສະຖານທີ່ແຫ່ງໃຫ່ມທີ່ເນັ້ນຄວາມເປັນເອກະລັກ ໂດຍສະເພາະຂອງອາຫານຈາກພາກພື້ນອິນດູຈີນ. ລວມສິລະປະແຫ່ງອາຫານທີ່ຍັງຄົງຄວາມເປັນເອກະລັກ. ຄົ້ນພົບຄວາມແຕກຕ່າງກັບອາຫານອິນດູຈີນທີ່ຮ້ານອາຫານ 3 Merchants. ທີ່ຮ້ານອາຫານ 3 Merchants ທ່ານຈະໄດ້ສໍາພັດກັບບັນຍາກາດທີ່ຫຼູຫຼາພ້ອມຄ໋ອກເທວ ແລະ ອາຫານເບົາທີ່ທາງພໍ່ຄົວໄດ້ຄົ້ນຄິດ ແລະ ປະດິດຂຶ້ນມາເພື່ອເອົາໃຈທ່ານໂດຍສະເພາະ. ຄົ້ນພົບ signature ຄ໋ອກເທວທີ່ແປກໃຫ່ມ ແລະ ອາຫານອື່ນໆ ທີ່ທັງແຊບ ແລະ ເປັນຕາລອງຊິມ.

ຈຸດພິເສດຂອງຮ້ານ 3 Merchants

ຄວາມໃສ່ໃຈການບໍລິການ: ການໃສ່ໃຈລາຍລະອຽດຂອງລູກຄ້າ ເພື່ອໃຫ້ລູກຄ້າປະທັບໃຈ ແລະ ມີຄວາມເພິ່ງພໍໃຈໃນການພັກຜ່ອນ ຮັບປະທານ ພະນັກງານທຸກຄົນໃສ່ໃຈ ນັບຕັ້ງແຕ່ເລີ່ມກ້າວເຂົ້າມາໃນຮ້ານອາຫານ ຕະຫຼອດໄລຍະທີ່ຮັບປະທານອາຫານ ແລະ ອອກຈາກປະຕູຂອງຮ້ານອາຫານ.

ວັດຖຸດິບ: ເນັ້ນເປັນວັດຖຸດິບຂອງອິນດູຈີນ ທີ່ໄດ້ຮັບການຄັດສັນມາຢ່າງດີ ແລະ ມີຂັ້ນຕອນການລ້າງວັດຖຸດິບປອດເຊື້ອຢ່າງດີ ຮັບປະກັນໃນຄວາມສະອາດ ແລະ ປອດໄພ, ມີການລະບຸອາຍຸຂອງວັດຖຸດິບທີ່ສາມາດນໍາໃຊ້ໄດ້ ເພື່ອຮັບປະກັນ ຄວາມສົດໃໝ່ ແລະ ຄຸນນະພາບຂອງອາຫານທຸກຈານ.

ພໍ່ຄົວຊ່ຽວຊານອາຫານອິນດູຈີນ ທີ່ມີປະສົບການດ້ານອາຫານອິນດູຈີນສະເພາະ, ເນັ້ນລົດຊາດອາຫານສະເພາະ ແຕ່ຍັງຮັກສາຄວາມເປັນເອກະລັກໄວ້ ພິເສດແມ່ນໃສ່ໃຈທຸກຈານໃຫ້ກັບລູກຄ້າທຸກທ່ານ ແລະ ອາຫານຮ້ານ 3 Merchants ບໍ່ໃສ່ແປ້ງນົວ.

ບັນຍາກາດຂອງຮ້ານຕົບແຕ່ງປະສົມປະສານລະຫວ່າງອິນດູຈີນຫຼາຍໆຊາດ ເນັ້ນຕົບແຕ່ງໃຫ້ລູກຄ້າໄດ້ສໍາພັດກັບບັນຍາກາດໃນຍຸກກ່ອນ ທີ່ມີຄວາມພິເສດສະດຸດຕາ ທຸກມູມໃນຮ້ານ ລູກຄ້າຈະໄດ້ສໍາພັດກັບຄວາມແຕກຕ່າງ ທີ່ທາງຮ້ານໃສ່ໃຈທຸກລາຍລະອຽດ ຮັບປະກັນວ່າບໍ່ຜິດຫວັງແນ່ນອນ.

Appy ຕໍາແໜ່ງ ຜູ້ຊ່ວຍຄົວ (Comis)

ກ່ອນໜ້ານີ້ເຄີຍເຮັດວຽກຢູ່ຮ້ານອາຫານສຸຂະພາບມາກ່ອນ ເລີ່ມມາເຮັດວຽກຢູ່ຮ້ານ 3 Merchants ຕັ້ງແຕ່ຍັງບໍ່ເປີດໃຫ້ບໍລິການ, ໂດຍເລີ່ມຈາກການເຂົ້າມາຝຶກ ຮຽນຮູ້ອາຫານໃໝ່ໆ.

ການເຮັດວຽກຢູ່ນີ້ຍອມຮັບວ່າເມື່ອຍ ແລະ ມ່ວນ (ຮ່າຮ່າ) ເວົ້າອີກຢ່າງໜຶ່ງແມ່ນ ມ່ວນກັບການເຮັດວຽກ ແລະ ໄດ້ຮຽນຮູ້ປະສົບການໃໝ່ທີ່ຫຼາກຫຼາຍ ແລະ ຖືວ່າຕົນເອງມີການພັດທະນາຂຶ້ນຫຼາຍ. ກ່ອນທີ່ພວກເຮົາຈະມາເຮັດວຽກຕົວຈິງທຸກຄົນແມ່ນໄດ້ຜ່ານການຝຶກອົບຮົບ 1 ເດືອນເຕັມ ເພື່ອກຽມພ້ອມ ແລະ ຮຽນຮູ້ວຽກ.

ລິນດາ ດວງມາລາ ຜູ້ຊ່ວຍຄົວ (Comis)

ກ່ອນໜ້ານີ້ເຄີຍເຮັດວຽກຢູ່ໂຮງແຮມເປີດໃໝ່ແຫ່ງໜຶ່ງມາກ່ອນ ແຕ່ເຫັນທາງ Crowne Plaza Vientiane ເພີ່ນຮັບສະໝັກ ເລີຍມາລອງສະໝັກເບິ່ງ ເພື່ອເຂົ້າມາເປັນສ່ວນໜຶ່ງຂອງໂຮງແຮມລະດັບ 5 ດາວ. Crowne Plaza Vientiane ເປັນໂຮງແຮມສາກົນມີຄວາມເປັນລະບົບ, ເມື່ອເຂົ້າມາພວກເຮົາ ໄດ້ຮັບການຝຶກອົບຮົມ ເພື່ອໃຫ້ໄດ້ຮຽນຮູ້ ແລະ ທົດລອງການເຮັດວຽກ.

ຖ້າຖາມວ່າ ເຄັດລັບສໍາລັບຄົນຢາກມາເຮັດວຽກຢູ່ Crowne Plaza Vientiane?

ເຄັດລັບງ່າຍໆ: ມີຄວາມຕັ້ງໃຈ ໝັ້ນໃຈໃນໂຕເອງ ແລະ ເຮັດວຽກກັນເປັນທີມ ງ່າຍໆເທົ່ານີ້ທຸກຄົນກໍ່ສາມາດມາຮ່ວມທີມກັບພວກເຮົາໄດ້.

ສຸວັນ ມີໄຊກອງ (ບີ້) Bartender

ເປັນຄົນຫຼວງພະບາງ ເຄີຍເຮັດວຽກຢູ່ຫຼວງພະບາງມາກ່ອນ ສອນຄົນຕ່າງປະເທດເຮັດອາຫານ, ກ່ອນອື່ນຕ້ອງຂໍເລົ່າກ່ອນວ່າ ຂ້າພະເຈົ້າຮຽນຈົບແຕ່ ມ7 ແຕ່ເຫັນວ່າທາງ Crowne Plaza Vientiane ບໍ່ໄດ້ເລືອກສະເພາະຄົນທີ່ຮຽນຈົບສູງເທົ່ານັ້ນ ເລີຍມາລອງສະໝັກເບິ່ງ ໂຊກດີທີ່ໄດ້ຮັບໂອກາດຈາກທາງ Crowne Plaza Vientianeການເຂົ້າມາເຮັດວຽກຢູ່ Crowne Plaza Vientiane ເປັນການຮຽນຮູ້ ແລະ ເຮັດວຽກເປັນລະບົບສາກົນຫຼາຍ, ມີໂອກາດໃນການພັດທະນາທັກສະຕ່າງໆ ໂດຍສະເພາະໜ້າວຽກທີ່ເຮັດຢູ່ປະຈຸບັນ ແມ່ນໄດ້ມີການຝຶກກ່ຽວກັບອາຫານ ແລະ ເຄື່ອງດື່ມ ທຸກໆມື້ 15 ນາທີ ນອກຈາກນັ້ນ ຍັງມີການຮຽນການປະຖົມພະຍາບານເບື້ອງຕົ້ນ ເຊິ່ງເປັນໂອກາດດີໆທີ່ໄດ້ຮັບ.

ຄິດວ່າແມ່ນຫຍັງທີ່ເຮັດທາງ Crowne Plaza Vientiane ຮັບມາເຮັດວຽກ?

ທັດສະນະຄະຕິທີ່ຈິງໃຈ ແລະ ມີຄວາມຕັ້ງໃຈໃນການເຮັດວຽກ ມັກວຽກການບໍລິການ ແລະ ພ້ອມພັດທະນາຕົນເອງເພາະວ່າເປັນເລື່ອງທີ່ສໍາຄັນ ແລະ ພ້ອມຮຽນຮູ້ ພັດທະນາຕົນເອງສະເໝີ.

    

ແຟງ ບຸດດາສິງ (ແຟງ) Senior Server

ມີໂອກາດເຄີຍໄດ້ໄປເຮັດວຽກຮ່ວມກັບຫຼາຍບ່ອນ, Crowne Plaza Vientiane ເປັນໂຮງແຮມລະດັບສາກົນ ມີການເຮັດວຽກທີ່ເປັນລະບົບ, ມີເພື່ອນຮ່ວມງານຫຼາຍ, ສໍາລັບວຽກທີ່ເຮັດຢູ່ປັດຈຸບັນ ເປັນວຽກທ້າທາຍ ແລະ ມີໂອກາດໃນການພັດທະນາຕົນເອງສະເໝີ ສໍາຄັນແມ່ນ ການເຮັດວຽກເປັນທີມ ແລະ ຊ່ວຍເຫຼືອກັນ ທຸກຄົນມີຮອຍຍີ້ມໃຫ້ກັນ ມ່ວນກັບການເຮັດວຽກສະເໝີ.

ສໍາລັບຄົນທີ່ຢາກເຂົ້າຮ່ວມກັນກັບພວກເຮົາໃຈຮັກການບໍລິການ” ຫົວໃຈຫຼັກທີ່ຕ້ອງມີ ແລະ ຖ້າຮູ້ພາສາໜ້ອຍໜຶ່ງຍິ່ງເປັນການດ, ແຕ່ຫາກບໍ່ຮູ້ ທາງໂຮງແຮມຈະມີຫຼັກສູດການສອນພາສາໃຫ້ກັບພະນັກງານ ເພື່ອເພີ່ມທັກສະໃຫ້ກັບຕົນເອງໃນດ້ານການບໍລິການ.

ສໍາລັບ ໃຜທີ່ສົນໃຈຊອກວຽກ ກໍ່ສາມາດເຂົ້າມາຍື່ນໃບສະໝັກ Cowne Plaza Vientiane ແລ້ວມາເຮັດວຽກເປັນທີມດຽວກັນກັບພວກເຮົາ.

ຝາກເຊີນຊວນໃຫ້ຜູ້ອ່ານມາໃຊ້ບໍລິການຂອງ ຮ້ານອາຫານໃໝ່ຂອງ Crowne Plaza Vientiane?

3 Merchants ພວກເຮົາທຸກຄົນ ກຽມພ້ອມ ຍິນດີຕ້ອນຮັບລູກຄ້າທຸກທ່ານ, ທ່ານຈະໄດ້ສໍາພັດກັບບັນຍາກາດທີ່ຫຼຫຼາພ້ອມຄ໋ອກເທວ ແລະ ອາຫານອິນດູຈີນ ໄທ, ຫວຽດນາມ, ລາວ, ມາເລເຊຍ ແລະ ກໍາປູເຈຍ ທີ່ໂດດເດັ່ນ ແລະ ຮັກສາຄວາມເປັນເອກະລັກ. ພວກເຮົາຂໍເຊີນຊວນໃຫ້ທຸກໆທ່ານເຂົ້າມາສໍາພັດກັບຄວາມພິເສດໄດ້ແລ້ວທີ່ຮ້ານອາຫານຂອງພວກເຮົາ ຮັບຮອງວ່າປະທັບໃຈແນ່ນອນ ພວກເຮົາພ້ອມໃຫ້ບໍລິການສະເໝີ.

ໂມງເປີດໃຫ້ບໍລິການ:

ວັນອາທິດຫາວັນສຸກ

ອາຫານທ່ຽງ 11:30 – 14:00

ອາຫານແລງ 17:00 – 22:30

ວັນອາທິດ

ອາຫານແລງ 17:00 – 22:30

ພິເສດສຳລັບວັນສຸກ ພວກເຮົາຈະເປີດບໍລິການ ເລດໄນເລົາຈ໌(Late Night Lounge) ຊຶ່ງຈະເປີດບໍລິການຈົນເຖິງທ່ຽງຄືນ.

– ວັນເສົາປິດໃຫ້ບໍລິການ

– ຕັ້ງຢູ່ຊັ້ນ G ໂຮງແຮມ ຄຣາວ ພລາຊ່າ ວຽງຈັນ

ຂໍ້ມູນເພີ່ມເຕີມ:

ສະຖານທີ່: ບ້ານ ໜອງດ້ວງເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ຕັ້ງທີ່ຊັ້ນ G ໂຮງແຮມ ຄຣາວ ພລາຊ່າ ວຽງຈັນ

ເບີໂທຕິດຕໍ່: 021 908 888

Facebook page: 3 Merchants

https://vientiane.crowneplaza.com/3-merchants

 

Nee

The author Nee