close
Career Advice

7 ວິທີການນໍາສະເໜີໃຫ້ໜ້າສົນໃຈ

່້ສ້ີສາ້່

 ທັກສະການນໍາສະເໜີງານເປັນອີກທັກສະສໍາຄັນອີກອັນໜຶ່ງທີ່ນັກສຶກສາ ແລະ ພະນັກງານໃນຫ້ອງການຄວນມີ. ເພາະວ່າຖ້າ presentation ຈະງາມຂະໜາດໃດກໍຕາມແຕ່ຖ້ານໍາສະເໜີແບບອ່ານໃຫ້ຟັງຕັ້ງແຕ່ຕົ້ນຈົນຈົບຄືຊິບໍ່ຄັກໃຈປານໃດ ແຕ່ທີ່ສໍາຄັນກວ່າເທັກນິກລີລາການນໍາສະເໜີບົດກໍຄືຈຸດເລັກນ້ອຍທີ່ເອີ້ນວ່າ “ຈຸດເລີ່ມຕົ້ນ” ການສ້າງ First impression ນັ້ນສໍາຄັນບໍ່ດ້ອຍກວ່າຈຸດອື່ນໆ.

   ດັ່ງຄໍາຂອງທ່ານ ເພລໂຕ ນັກປັດສະຍາຊາວກຣີກທີ່ກ່າວໄວ້ວ່າ “The beginning is the most important part of the work”. ເລີ່ມຕົ້ນດີມີໄຊໄປກວ່າເຄິ່ງ. ສະນັ້ນຢ່າລໍຊ້າ,  ມາເລີ່ມຕົ້ນໃຫ້ມັນດີໆກັບ 7​ ວິທີການນໍາສະເໜີໃຫ້ໜ້າສົນໃຈຕັ້ງແຕ່ເລີ່ມຕົ້ນເລີຍ.

    1.  ອຸ່ນເຄື່ອງດ້ວຍເລື່ອງເລົ່າ.

      ເປັນເທັກນິກການເລີ່ມດ້ວຍການເລົ່າເລື່ອງມາດຶງດູດຄວາມສົນໃຈ ນັບວ່າເປັນວິທີການເລີ່ມຕົ້ນທີ່ງ່າຍທີ່ສຸດແຕ່ມີປະສິດທິພາບຫຼາຍ ເນື່ອງຈາກລັກສະນະນິໄສຂອງມະນຸດໂດຍສ່ວນໃຫຍ່ແລ້ວຈະມັກຟັງເລື່ອງເລົ່າເປັນພື້ນຖານ ຊຶ່ງເກີດຂຶ້ນໃນຫຼາຍວັດທະນະທໍາຂອງໂລກຢູ່ແລ້ວໂດຍຈະສັງເກດໄດ້ຈາກການເລົ່ານິທານກ່ອນນອນເປັນຕົ້ນ.

    2. ເລີ່ມດ້ວຍຄໍາຖາມຊວນໃຫ້ຄິດ.

      ໃນການຖາມຄໍາຖາມນີ້ຈຸດປະສົງບໍ່ຕ້ອງການໃຫ້ຜູ້ຟັງຕອບຄໍາຖາມຫຼາຍ ຫຼື ຖຶກຜິດປະການໃດ, ພຽງແຕ່ຕ້ອງການໃຫ້ຜູ້ຟັງໄດ້ຖາມຄໍາຖາມດັ່ງກ່າວກັບຕົວເອງໃນໃຈ ແລະ ເມື່ອຜູ້ຟັງຕັ້ງຄໍາຖາມກັບຕົວເອງແລ້ວກໍຈະເກີດຄວາມສົງໄສ ແລະ ຕ້ອງການທີ່ຫາຄໍາຕອບນັ້ນ ແລະ ຕັ້ງໃຈຟັງໃນສິ່ງທີ່ເຮົານໍາສະເໜີໃນເວລາຕໍ່ຈາກນັ້ນ.

  3. ສະແດງຕົວເລກຈາກສະຖິຕິ.

     ການນຳສະເໜີສະຖິຕິ ແລະ ຂໍ້ມູນໃນຊ່ວງຕົ້ນຂອງການນໍາສະເໜີກໍເປັນອີກວິທີໜຶ່ງທີ່ຈະກະຕຸ້ນໃຫ້ຜູ້ຟັງເກີດຄວາມສົນໃຈ ແລະ ຕັ້ງໃຈຟັງໃນການນໍາສະເໜີຂອງເຮົາ.

   4. ຄໍາຄົມ ຫຼື ປະໂຫຍກເດັດ.

      ການຍົກຄໍາເວົ້າຈາກຄົນດັງ ຫຼື ຄົນສໍາຄັນ ມາເວົ້າກ່ອນເລີ່ມການນໍາສະເໜີ ຈະເປັນການເພີ່ມຄວາມໜ້າເຊື່ອຖືໄດ້ຫຼາຍຍິ່ງຂຶ້ນເນື່ອງຈາກມີການອ້າງອິງຄໍາເວົ້າຈາກບຸກຄົນທີ່ຜູ້ຟັງຮູ້ຈັກກັນດີນັ້ນເອງ.

  5. ເລີ່ມຕົ້ນດ້ວຍຮູບພາບທີ່ໜ້າສົນໃຈ.

        ຮູບພາບຈະສື່ຄວາມໝາຍໄດ້ດີກວ່າຄໍາເວົ້າ ການໃຊ້ຮູບພາບທີ່ສວຍງາມ ຫຼື ດຶງດູດຜູ້ຊົມຈະຊ່ວຍສ້າງຄວາມປະທັບໃຈເມື່ອແລກເລີ່ມໄດ້ເປັນຢ່າງດີ.

  6. ຈັດເຕັມດ້ວຍອຸປະກອນຊ່ວຍເສີມໃນການນໍາສະເໜີ ແລະ ເຄື່ອງແຕ່ງກາ.

   ການມີອຸປະກອນຊ່ວຍເສີມໃນການນໍາສະເໜີ ຈະສາມາດດຶງດູດຜູ້ຊົມໄດ້ຫຼາຍຖ້າປະສົມຄວາມຕະຫຼົກ ແລະ ຄວາມໜ້າສົນໃຈເຂົ້າໄປເລັກນ້ອຍ ຈະຊ່ວຍເຮັດໃຫ້ບັນຍາກາດເບິ່ງຜ່ອນຄາຍຫຼາຍຂຶ້ນອີກດ້ວຍ.

  7.  ເລີ່ມຕົ້ນດ້ວຍວີດີໂອສັ້ນໆ.

      ການເລີ່ມຕົ້ນດ້ວຍວີດີໂອສັ້ນໆຈະເປັນການກະຕຸ້ນໃນການນໍາສະເໜີງານຂອງເຈົ້າເບິ່ງໜ້າສົນໃຈ ແລະ ໜ້າຕິດຕາມຍິ່ງຂຶ້ນ.

      ການສ້າງຄວາມປະທັບໃຈຄັ້ງທໍາອິດ ຫຼື First impression ນັ້ນເປັນສິ່ງທີ່ສໍາຄັນຫຼາຍປຽບເໝືອນກັບການທີ່ເຮົາມີ First impression ດີໆກັບຄົນໆໜຶ່ງ ສະໝອງຂອງເຮົາຈະສັ່ງການໃຫ້ເຮົາເບິ່ງຄົນນັ້ນວ່າດີໄປໂດຍປະລິຍາຍ ມັນຈະກາຍເປັນຄວາມປະທັບໃຈ ແລະ ເປັນທີ່ຈົດຈໍາໂດຍທີ່ເຮົາບໍ່ຮູ້ຕົວ ລອງໃຊ້ເທັກນິກທີ່ໄດ້ກ່າວມາແລ້ວ ເພື່ອການນໍາສະເໜີງານທີ່ສົມບູນໃນແບບຂອງເຈົ້າເອງ.

ຂອບໃຈແຫຼ່ງຂໍ້ມູນຈາກ: https://th.jobsdb.com

Editor

The author Editor