close
News

“ Lao e-Sports Federation ເປີດໂຕຢ່າງເປັນທາງການ ແລະ ຄັດເລືອກນັກກິລາທີມຊາດ “

K65_0280-copy

ສະຫະພັນກິລາ ອີສະປອດແຫ່ງຊາດລາວ ໄດ້ປະກາດການແຕ່ງຕັ້ງ ຄະນະບໍລິຫານງານ ຊຸດທຳອິດ ແລະ ເປີດໂຕຢ່າງເປັນທາງການ  ແລະ ການຄັດເລືອກນັກກິລາທີມຊາດ ປະເພດ League of Legends ໃນວັນທີ 16 ມິຖຸນາ 2018 ຢູ່ທີ່  Lao e-Sports Arena ຊັ້ນ 5 ອາຄານລາວອາດມີເດຍ.

ໂດຍການເປັນປະທານ ຂອງທ່ານ ບົວລານ ສິລິປັນຍາ  ຮອງລັດຖະມົນຕີກະຊວງສຶກສາທິການ ແລະ ກິລາ, ຄະນະກຳມະການໂອແລມປິກແຫ່ງຊາດລາວ, ກົມກິລາລະດັບສູງ ກະຊວງສຶກສາທິການ ແລະ ກິລາ, ສູນກາງຊາວໜຸ່ມປະຊາຊົນປະຕິວັດລາວ, ຜູ້ໃຫ້ການສະໜັບສະນູນຫຼັກ National Youth Council ປະເທດສິງກະໂປ, ລັດວິສາຫະກິດລາວໂທລະຄົມ, ບໍລິສັດ Riot game ລວມທັງຜູ້ສະໜັບສະໜູນອື່ນໆທັງພາຍໃນ ແລະ ຕ່າງປະເທດ, ນອກນັ້ນ ຍັງມີສື່ມວນຊົນ, ຜູ້ເຂົ້າຮ່ວມງານ, ໄວໜຸ່ມ ແລະ ຫຼາຍພາກສ່ວນເຂົ້າຮ່ວມຫຼາຍກວ່າ 400 ຄົນ.

         ການຄັດເລືອກຕົວແທນນັກກິລາທີມຊາດ League of Legends ປະເພດທີມ ເພື່ອເຂົ້າຮ່ວມການແຂ່ງຂັນ ເທດສະການ ກິລາອີສະປອດ ແລະ ດົນຕຣີ HYPERPLAY 2018 ເປັນກິຈະກໍາຄັ້ງທໍາອິດ ທີ່ຈັດໂດຍ National Youth Council ປະເທດສິງກະໂປ ໃນການຮວມເອົາການແຂ່ງຂັນກິລາອີສະປອດ ແລະ ດົນຕຣີ ມາໄວ້ຮ່ວມກັນເຊິ່ງເປັນເທື່ອທຳອິດທີ່ ມີ 10 ປະເທດອາຊຽນເຂົ້າຮ່ວມ ໃນລະຫວ່າງວັນທີ 4-5 ສິງຫາ 2018 ທີ່ປະເທດສິງກະໂປ,​ ພາຍຫຼັງຄະນະແຕ່ງຕັ້ງສະເໜີ ທ່ານ ບົວລານ ສິລິປັນຍາ  ຮອງລັດຖະມົນຕີກະຊວງສຶກສາທິການ ໄດ້ມີຄໍາເຫັນແກ່ສະຫະພັນຊຸດໃໝ່

         ຄະນະບໍລິຫານງານສະຫະພັນກິລາອີສະປອດແຫ່ງຊາດລາວ ຂຸດໃໝ່ ມີການຈັດຕັ້ງດັ່ງຕໍ່ໄປນີ້:

ຄະນະທີ່ປຶກສາ

  1. ທ່ານ ອານຸສອນ ສິຣິສັກດາ                       
  2. ທ່ານ ດວງມະນີ ໂສລິພັນ          
  3. ທ່ານ ນະວະລັດ ພະວໍລະຈິດ      

      ຄະນະບໍລິຫານງານ

  1. ທ່ານ ໂຈນາທານ  ສິຣິສັກດາ                        ເປັນປະທານ
  2. ທ່ານ ຊ້າງມີໄຊ ອິນທະວົງ                            ຮອງປະທານ
  3. ທ່ານ ວັນທະນາ ກຸນນະວັນ                          ເປັນຮອງ ແລະ ເລຂາທິການ
  4. ທ່ານນາງ ສົມພາວາລີ ພິມມະຈັນ                 ຮອງເລຂາທິການ
  5. ທ່ານ ນາງ ວຽງສະຫວັນ ວິບຸນກ້ວາງ            ນາຍຄັງ
  6. ທ່ານ ເນລະມິດ ພະວໍລະຈິດ                         ເປັນຄະນະ
  7. ທ່ານ ສອນພິທັກ ຫຼວງສຸວັນນະວົງ                ເປັນຄະນະ
  8. ທ່ານ ສິນລະທຳ ວິໄລເພັດ                            ເປັນຄະນະ
  9. ທ່ານ ສຸກທິວາວັນ ວົງພະນະຄອນ                 ເປັນຄະນະ
  10. ທ່ານ ອານຸລັກ ລັດຕະນະລັງສີ                      ເປັນຄະນະ
  11. ທ່ານ ນາງ ເຈນ ສິຣິສັກດາ                           ເປັນຄະນະ

ປະຈຸບັນ ມີຜູ້ທີ່ເປັນສະມາຊິກ ທີ່ມີການເຄື່ອນໄຫວ ທົ່ວປະເທດ ຫຼາຍກວ່າ 80000 ຄົນ ( ຈຳນວນທີ່ເຂົ້າມາເປັນສະມາຊິກພາຍໃນກຸ່ມ ) ເພື່ອແລກປ່ຽນແນວຄິດ, ເຕັກນິກວິທີການພັດທະນາຄວາມຮູ້ດ້ານໄອທີ, ໂປຣແກຣມ, ການອອກແບບ, ທັກສະດ້ານອີສະປອດ,  ວິທີການຫຼິ້ນ ແລະ ທັດສະນະໃນການນຳໃຊ້ເກມໃນຊີວິດປະຈຳວັນຢ່າງສ້າງສັນ. ລວມທັງໄດ້ມີການຈັດການແຂ່ງຂັນ ແລະ ເຄື່ອນໄຫວໃນໄລຍະຜ່ານມາຕາມຄວາມສາມາດ

ສະຫະພັນກິລາ ອີສະປອດແຫ່ງຊາດລາວຕັ້ງຢູ່ບ້ານ ດົງນາໂສກ ເມືອງສີໂຄດຕະບອງ ນະຄອນຫຼວງວຽງຈັນ ຊັ້ນ 3 ຕຶກ Lao Art Media  

 

 

Nee

The author Nee