close
Cover Story

TEDx LaneXangAveWomen

DSC_4211_1

ກັບມາອີກແລ້ວ ປີທີ 2ກັບງານ TEDxLaneXangAve, ປີຜ່ານມາ ຫຼາຍໆທ່ານອາດຈະໄດ້ເຂົ້າຮ່ວມຟັງນໍາກັນ ແລະ ໄດ້ຄວາມຮູ້ຈາກວິທະຍາກອນຂອງທາງ TEDxLaneXangAve ຢ່າງແນ່ນອນ, ມາໃນປີນີ້ເພີ່ນມາໃນຫົວຂໍ້ TEDxLaneXangAveWomen ເຊິ່ງເປັນຫົວຂໍ້ທີ່ນ່າສົນໃຈທີ່ສຸດ ແລະ ເຊື່ອວ່າຜູ້ອ່ານທຸກຄົນ ໃຈຈົດໃຈຈໍ່ ຢາກຮູ້ແລ້ວວ່າ ລາຍລະອຽດກ່ຽວກັບຫຍັງແດ່ ເພາະເພີ່ນມີຄໍາວ່າ “women” ມາເສີມ ສະແດງວ່າຈະມີສ່ວນກ່ຽວກັບແມ່ຍິງແນ່ນອນ, ຈະຈັດຂຶ້ນເມື່ອໃດ ແລະ ສໍາລັບ ຜູ້ສົນໃຈເຂົ້າຮ່ວມ ຕ້ອງເຮັດແນວໃດ ເພື່ອບໍ່ລໍຊ້າ ພວກເຮົາມີບົດສໍາພາດຈາກທາງຄະນະຜູ້ຈັດງານ ມາໃຫ້ຜູ້ອ່ານໄດ້ຕິດຕາມນໍາກັນ, ເພື່ອບໍ່ລໍຊ້າ ມາຕິດຕາມພ້ອມກັນເລີຍ.
ມື້ນີ້ທີມງານພວກເຮົາໄດ້ຮັບກຽດຈາກ ທ່ານ ເບນຈາມີ ໂຊ ປະທານ Vientiane Global Shaper Hub, ທ່ານ ນາງ ເມລີ ບຸນທະລາດ ຜູ້ຈັດງານ TEDxLaneXangAveWomen ມາສໍາພາດພິເສດກ່ຽວກັບງານໃຫ້ພວກເຮົາໄດ້ຕິດຕາມລາຍລະອຽດກ່ຽວກັບງານນໍາກັນ.


ຜົນຕອບຮັບງານຄັ້ງຜ່ານມາເປັນແນວໃດ?

ຜົນຕອບຮັບຈາກງານຄັ້ງທີ່ຜ່ານມາແມ່ນດີຫຼາຍ, ຖືວ່າເກີນຄວາມຄາດໝາຍ ເຊິ່ງປີ້ເຂົ້າຊົມງານແມ່ນຂາຍໝົດພາຍໃນ 6 ຊົ່ວໂມງ ຫຼັງຈາກທີ່ປະກາດຂາຍປີ້ຂອງງານ TEDx LaneXangAve. ພວກເຮົາດີໃຈຫຼາຍໄດ້ທີ່ຮັບຄວາມສົນໃຈໂດຍສະເພາະແມ່ນໄວໝຸ່ມລາວ ທີ່ເລັງເຫັນເຖິງຄວາມສຳຄັນ ໃນກິດຈະກໍາ ການແບ່ງປັນແນວຄິດດີໆ ທີ່ສ້າງສັນຂອງງານTEDx ຄັ້ງທໍາອິດໃນປະເທດລາວ. ສໍາລັບຜູ້ທີ່ສົນໃຈເຂົ້າຮ່ວມແຕ່ຊື້ປີ້ບໍ່ທັນ, ພວກເຮົາຍັງໄດ້ ມີການຖ່າຍທອດສົດ (Live Stream) ງານ TEDxLaneXangAve ເພື່ອຮອງຮັບຢ່າງທົ່ວເຖິງເຊັ່ນດຽວກັນ.


 ແນະນໍາກ່ຽວກັບ TEDxLaneXangAveWomen ຄັ້ງນີ້? ຕ່າງຈາກຄັ້ງກ່ອນແນວໃດ?

TEDx ເປັນເວທີ ຫຼື ແພດຟອມ (Platform) ລະດັບໂລກທີ່ໜ້າສົນໃຈ ໂດຍເລັງໃສ່ ການສົ່ງເສີມ ການແບ່ງປັນຄວາມຮູ້ແນວຄິດສ້າງສັນ ແລະ ການປ່ຽນແປງໃນທາງບວກ. ຂ້າພະເຈົ້າເອງ (ເມລີ) ຄິດວ່າ TEDx ເປັນເວທີທີ່ເປັນປະໂຫຍດຕໍ່ການປະກອບສ່ວນເຂົ້າໃນການພັດທະນາຊຸມຊົນ ເພາະ TEDx ເປັນພື້ນທີ່ ແບ່ງປັນ ແຫຼ່ງຄວາມຄິດທີ່ດີ ແລະ ການແລກປ່ຽນຄວາມຄິດໃຫມ່ໆ ຈາກຜູ້ບັນຍາຍທີ່ຊ່ຽວຊານໃນສາຂາຕ່າງໆ ທີ່ເພີ່ນຄຸ້ນເຄີຍ ແລະ ຄົ້ນພົບໃນຫົວຂໍ້ທີ່ກ່ຽວຂ້ອງໂດຍກົງ.

  • TEDxLaneXangAveWomen ຄັ້ງນີ້ແມ່ນເນັ້ນທີ່ ຜູ້ບັນຍາຍ ທີ່ເປັນແມ່ຍິງ ແລະ ຮູບແບບ (Theme) ຂອງງານແມ່ນ “Reimagine” ຈິນຕະນາການໃໝ່ໃນບົດບາດ ແມ່ຍິງໃນສັງຄົມ. ງານຄັ້ງນີ້ແມ່ນຈະຈັດຂຶ້ນພ້ອມກັບ ງານ TEDxWomen Conference 2017 ທົ່ວໂລກ.
  • TEDxLaneXangAveWomen ແມ່ນຈັດຂຶ້ນ 3 ມຶ້ລຽນຕິດກັນ ເຊີ່ງງານດັ່ງກ່າວໄດ້ເວົ້າ ເຖີງບົດບາດຂອງແມ່ຍິງທາງດ້ານຄວາມເປັນຜູ້ນໍາ ແລະ ຜູ້ສ້າງການປ່ຽນແປງໃນດ້ານບວກ, ຜູ້ບັນຍາຍແຕ່ລະທ່ານ ແມ່ນ ຈະເວົ້າກ່ຽວກັບການຊອກຫາແນວຄິດ ແລະ ນະວັດຕະກຳທີ່ກະຕຸ້ນໃຫ້ ເກີດການລົງມຶເຮັດ ແລະ ປຸກລະດົມການສ້າງສິ່ງມີປະໂຫຍດໃຫ້ກັສັງຄົມ.
  • ງານຄັ້ງນີ້ ຈະບັນຍາຍເປັນ 2 ພາສາ ກໍ່ຄືພາສາອັງກິດ ແລະ ພາສາລາວ.

ເປັນຫຍັງຕ້ອງເຂົ້າຮ່ວມງານນີ້? 

  • ພວກເຮົາໄດ້ຄັດເລືອກ ຜູ້ບັນຍາຍ speakers ຢ່າງລະອຽດ ແລະ ພິຖີພິຖັນ ພ້ອມທັງເລືອກຫົວຂໍ້ຕ່າງໆທີ່ໜ້າສົນໃຈ ທີ່ຄິດວ່າຈະເປັນປະໂຫຍດໃຫ້ແກ່ຜູ້ເຂົ້າຮ່ວມງານ ແລະ ຜູ້ຊົມ.
  • ຜູ້ບັນຍາຍ ແມ່ນມາຈາກຫຼາກຫຼາຍສາຂາ ບໍ່ວ່າຈະເປັນ ຜູ້ປະກອບການ, ນັກພັດທະນາຊຸມຊົນ, ວົງການບັນເທີງ ແລະ ນັກການທູດ ເຊິ່ງງານໃນຄັ້ງນີ້ຈະເນັ້ນໃສ່ການສົ່ງເສີມ ບົດບາດແມ່ຍິງໃນສັງຄົມ.
  • ຈຸດປະສົ່ງແມ່ນ ເພື່ອສົ່ງເສີມແນວຄິດສ້າງສັນແບບໃຫມ່ໆ, ສະໜັບສະໜູນບົດບາດແມ່ຍິງ ຜູ້ທີ່ມີສວ່ນຮວ່ມໃນການສ້າງສິ່ງດີໆໃຫ້ກັບສັງຄົມ ໃຫ້ມາບັນຍາຍ ແລະ ແບ່ງປັນປະສົບການ ແນວຄິດທີ່ກ່ຽວກັບວຽກງານຂອງເຂົ້າເຈົ້າ.

ພວກເຮົາຫວັງຢ່າງຍິ່ງວ່າ ຜູ້ຊົມຈະໄດ້ຮຽນຮູ້ ແລະເກີດແຮງບັນດານໃຈ ທີ່ຈະນໍາກັບໄປສ້າງສິ່ງດີໆ ແລະ ໃໝ່ໆໃນທາງບວກໃຫ້ກັບສັງຄົມ, ກ້າທີ່ຈະຄິດ ແລະ ປະຕິບັດໃນສິ່ງທີ່ແຕກຕ່າງ, ກໍາໜົດເປົ້າໝາຍຊີວິດຂອງຕົນເອງ ພ້ອມຄວາມກ້າທີ່ຈະໃຊ້ຊີວິດໄປຕາມຄວາມຝັນຂອງຕົນເອງ.

ຄວາມຄາດຫວັງກ່ຽວກັບ TEDx ຄັ້ງນີ້ເປັນແນວໃດ?

ພວກເຮົາຫວັງວ່າ ງານນີ້ຈະເປັນອີກງານໜຶ່ງ ທີ່ຊ່ວຍໃຫ້ໄວໝຸ່ມ ໂດຍສະເພາະ ແມ່ຍິງບ້ານເຮົາມີແຮງບັນດານໃຈ ທີ່ຈະເຮັດໃນສິ່ງທີ່ຕົນເອງຮັກ ແລະ ກ້າທີ່ຈະສ້າງສິ່ງໃຫມ່ໆ, ມີປະໂຫຍດໃຫ້ແກ່ສັງຄົມໃນບ້ານເຮົາ. ພວກເຮົາເຊື່ອວ່າ ການພັດທະນາບ້ານເມືອງ ຫຼື ປະເທດຊາດ ແມ່ນໜ້າທີ່ຂອງທຸກຄົນ ມາຮ່ວມກັນເປີດກວ້າງແນວຄວາມຄິດ ແລະ ຊ່ວຍກັນພັດທະນາຮ່ວມກັນ.

Speaker ທີ່ຈະມາເວົ້າໃນງານມີໃຜແດ່?

ມີຄົນຕ່າງປະເທດຫຼາຍບໍ່? Speakers ຜູ້ບັນຍາຍ ໃນຄັ້ງນີ້ແມ່ນ ຄົນລາວໂດຍສ່ວນຫຼາຍ ແລະ ມາຈາກຫຼາກຫຼາຍສາຂາ. ສຳລັບ ລາຍລະອຽດກ່ຽວກັບ ຜູ້ບັນຍາຍ speakers ສາມາດ
ຕິດຕາມໄດ້ທາງ FacebookPage:  TEDxLaneXangAve

ມີເງື່ອນໄຂ ແລະ ຄ່າລົງທະບຽນແນວໃດ ສໍາລັບຜູ້ທີ່ຢາກເຂົ້າຮ່ວມຟັງ?

ສຳລັບ ທ່ານໃດທີ່ສົນໃຈເຂົ້າຮ່ວມງານນໍາພວກເຮົາ, ທ່ານສາມາດ ຊື້ປີ້ໄດ້ທີ່ຮ້ານ Capital Cloud ເຊິ່ງປີ້ຈະເລີ່ມວາງຈໍາໜ່າຍໃນວັນທີ່ 15 ຕຸລາ 2017. ງານພວກເຮົາຈະຈັດຂຶ້ນທີ່ ໂຮງແຮມ Crowne Plaza Hotel ໃນວັນທີ່ 4 ພະຈິກ 2017.

ເຫັນໂອກາດໃນການພັດທະນາ TEDx ຕໍ່ໄປຢູ່ບ້ານເຮົາເປັນແນວໃດ?

ພວກເຮົາຫວັງວ່າ ໃນອານາຄົດພວກເຮົາຈະສາມາດຈັດງານ TEDx ຕໍ່ໄປໃຫ້ໄດ້ໃຫຍ່ກ່ວາເກົ່າ ໝາຍເຖິງສາມາດຮອງຮັບຜູ້ເຂົ້າຮວມງານໄດ້ຫຼາຍຂຶ້ນ ເຊິ່ງປັດຈຸບັນພວກເຮົາຮັບໄດ້ແຕ່ພຽງ 100 ທ່ານຜູ້ຊົມເທົ່ານັ້ນ. ພວກເຮົາຈະພະຍາຍາມປັບປຸງ ແລະ ພັດທະນາໃຫ້ງານມີຄວາມໜ້າສົນໃຈ, ເປັນປະໂຫຍດ ແລະເຂົ້າເຖິງຜູ້ຊົມ ຈໍານວນຫຼາຍ ແລະ ດີຂຶ້ນເລືອຍໆ.

ຝາກເຊີນຊວນໃຫ້ຄົນເຂົ້າມາຮ່ວມງານຄັ້ງນີ້ ຫຼື ຕິດຕາມທາງສື່ Social Media ?

ງານຄັ້ງນີ້ພວກເຮົາຈັດປີໜຶ່ງຄັ້ງໜຶ່ງ ເຊິ່ງຖືໄດ້ວ່າເປັນໂອກາດດີ ທີ່ທ່ານຈະໄດ້ມາຮັບຟັງຄໍາແນະນໍາ ແລະ ແບ່ງເປັນປະສົບການດີໆ ຈາກວິທະຍາກອນ ຜູ້ຊ່ຽວຊານທາງດ້ານຕ່າງໆ ພິເສດແມ່ນເນັ້ນແມ່ຍິງ ໃນການສ້າງແຮງບັນດານໃຈທີ່ຈະເຮັດໃນສິ່ງທີ່ຕົນເອງຮັກ ແລະ ກ້າທີ່ຈະສ້າງສິ່ງໃຫມ່ໆ, ມີປະໂຫຍດໃຫ້ແກ່ສັງຄົມໃນບ້ານເຮົາ ຂໍເຊີນຊວນໃຫ້ທຸກຄົນເຂົ້າມາຮ່ວມຮັບຟັງ ແລະ ແລກປ່ຽນຮ່ວມກັນ.

ຂໍ້ມູນເພີ່ມເຕີມສາມາດຕິດຕໍ່ໄດ້ທີ່:
02076111333
Facebook: TEDxLaneXangAve
Website: https://www.ted.com/tedx/events/24688

Date: Saturday, 4November 2017
Venue: Crowne Plaza Hotel

Nee

The author Nee