close
OHM

OHM ເປັນທຸລະກິດ ພິມເສື້ອ ນອກນັ້ນຍັງຮັບ ພິມໝວກພິມຈອກພິມຈານ ດ້ວຍເຄື່ອງມືທີ່ທັນສະໄໝ ແລະ ໄດ້ມາດຕະຖານ ກັບການອອກແບບທີ່ສວຍງາມລາຄາເປັນມິດ ຖ້າທ່ານບໍ່ມັກແບບທີ່ທາງຮ້ານມີໃຫ້ທ່ານກໍ່ສາມາດອອກແບບເອງໄດ້ (ພຽງແຕ່ບອກ) ຮັບຮອງໄດ້ວ່າຖ້າໄປໃຊ້ບໍລິການຮ້ານເພິ່ນແລ້ວ ທ່ານຈະບໍ່ຜິດຫວັງແນ່ນອນ

Q. ນິຍາມຄຳວ່າ “ນັກທຸລະກິດ” ຂອງທ່ານແມ່ນຫຍັງ?
ໃນຄວາມຄິດຂອງຂ້າພະເຈົ້ານັກທຸລະກິດແມ່ນຄ້າຍໆ ກັບນັກພັດທະນາ ຄືມາພັດທະນາສິ່ງມີຢູ່ໃນມີຮູບຮ່າງທີ່ສວຍງາມແລະໃຫ້ມີຄູນຄ່າຫຼາຍຂຶ້ນເຊິງຖ້າທຽບໃສ່ກັບທຸລະກິດຂອງຂ້າພະເຈົ້າຫໍ່ຄືບໍ່ພຽງແຕ່ເປັນການພັດທະນາຜະລິດຕະພັນ ຫຼື ສິນຄ້າຂອງເຮົາ ແຕ່ມັນລວມເຖິງການພັດທະນາຜູ້ທີ່ຮ່ວມງານກັບເຮົາໃຫ້ເຂົາເຈົ້າຢາກເຮັດວຽກຮ່ວມກັບເຮົາ. ຮ້ານເຮົາເນັ້ນເຖິງເລື່ອງຄຸນນະພາບຂອງສິນຄ້າແລະ ການບໍລິການ ເມື່ອລູກຄ້າເລືອກ ແລະໄວ້ເມື່ອລູກຄ້າເລືອກແລະໄວ້ໃຈເຮົາເຮົາກໍ່ຕ້ອງເຮັດໃຫ້ດີທີ່ສຸດ

Q. ທ່ານເຄີຍມີປະສົບການການເຮັດທຸລະກິດມາກ່ອນບໍ່?ຖ້າມີຊ່ວຍເລົ່າໃຫ້ເຮົາຟັງແດ່?
ຂ້າພະເຈົ້າບໍ່ເຄີຍມີປະສົບການເຮັດວຽກໃນດ້ານນີ້ມາກ່ອນ ແຕ່ຂ້າພະເຈົ້າໄດ້ເກັບປະສົບການຈາກຫຼາຍໆບ່ອນທີ່ຂ້າພະເຈົ້າເຄີຍໄປເຮັດວຽກມາ ບໍ່ວ່າຈະເປັນເລື່ອງການບໍລິຫານງານບໍລິຫານຄົນ ການເຮັດວຽກຮ່ວມກັບຄົນອື່ນເຊິ່ງການເປີດຮ້ານນີ້ກໍ່ແມ່ນ ຍ້ອນພີ່ນ້ອງຂອງຂ້າພະເຈົ້າຢູ່ຕ່າງປະເທດໄດ້ເຮັດທຸລະກິດນີ້ມາກ່ອນ ເລີຍຢາກຊວນໃຫ້ຂ້າພະເຈົ້າເຮັດນຳໂດຍອານຸຍາດໃຫ້ໃຊ້ຊື່ດຽວກັບຮ້ານຂອງເພິ່ນ.

OHM_OWNER

Q. ອຸປະສັກໃນການດຳເນີນທຸລະກິດຂອງທ່ານແມ່ນຫຍັງ?
ຖ້າເວົ້າເຖິງອຸປະສັກກໍ່ຄືໃນໄລຍະຕົ້ນຂອງການເປີດກິດຈະການໃໝ່ໆຫຼາຍໆຢ່າງມັນກໍ່ບໍ່ຄ່ອຍຈະລົງຕົວ ອາດຈະຍ້ອນວ່າເຮົາຍັງໃໝ່ກັບທຸລະກິດນີ້ແດ່ ແລະ ຍັງບໍ່ຄ່ອຍມີປະສົບການພໍປານໃດ ແລະ ອີກສິ່ງໜຶ່ງກໍ່ຄືວຽກເຮົາຕ້ອງໄດ້ໃສ່ຄວາມລະອຽດສູງ ແລະ ເນັ້ນເລື່ອງຄຸນນະພາບເປັນຫຼັກ ສະນັ້ນເຮົາຈຶ່ງຕ້ອງໄດ້ມີການພັດທະນາ ແລະ ຄິດສິ່ງໃໝ່ໆຢູ່ຕະຫຼອດ.

OHM_SHOP
Q. ທ່ານວາງແຜນທຸລະກິດໃນອານາຄົດໄວ້ແນວໃດ?
ຂ້າພະເຈົ້າວາງແຜນໄວ້ວ່າຈະຂະຫຍາຍສາຂາໄປຕ່າງແຂວງໃນອານາຄົດ ແລະ ສຶບຕໍ່ພັດທະນາວຽກງານ ທັງການບໍລິການ ແລະ ການອອກແບບຕອນນີ້ໃຫ້ດີຂຶ້ນເລື້ອຍໆ

ຝາກເພີ່ມຕື່ມ: ສຳລັບທ່ານໃດທີ່ກຳລັງຢາກເລີ້ມຕົ້ນທຸລະກິດພີມເສື້ອ, ພີມໝວກ, ພີມຈອກ ແລະ ຈານ ທ່ານສາມາດຕິດຕໍ່ມາໄດ້ ທາງ ຮ້ານ ໂອເຮດເອັມ ພິມເສື້ອ ຍິນດີສອນໃຫ້ທ່ານຟຣີ ນອກຈາກນັ້ນທ່ານໃດທີ່ຍັງຢາກສຶກສາ ແລະ ບໍ່ເຂົ້າໃຈວິທີການ ແມ່ນສາມາດໂທມາປຶກສາ ແລະ ສາມາດເບ່ີງວິທີການພິມເສື້ອ ໄດ້ທີ່ www.youtube : ohm lao

ສະຖານທີ່ຕັ້ງຢູ່ດ້ານຫຼັງຕະຫຼາດໂພນຕ້ອງຈອມມະນີ OHM (ນະຄອນຫຼວງວຽງຈັນ) ໂທ: 020 76040010, 030 4710400

Anousone

The author Anousone